గోరంట్ల పని ఫినిష్ అయినట్లేనా?
ఎంపీ గోరంట్ల మాధవ్ వీడియో వైరల్ కావడంతో జగన్ సీరియస్ అయ్యారు. పూర్తి స్థాయి విచారణ చేేపట్టాలని అధికారులను ఆదేశించారు
వచ్చిన అవకాశాన్ని సద్వినియోగం చేసే వారు కొందరు. అయితే తమకు పట్టిన అదృష్టాన్ని చేజేతులారా నాశనం చేసుకునే వారు మరికొందరు. రాజకీయ నేతల్లో అలాంటి నేతలు చాలా మంది ఉంటారు. ఏదో ఒక కారణంగా తమ పదవులను కోల్పోవడం, ప్రతిష్టను దిగజార్చుకోవడం షరా మామూలయింది. అందులో గోరంట్ల మాధవ్ ఒకరు. ఇప్పుడు ఆయన న్యూడ్ వీడియో వాస్తవం తేలితే పార్టీ పరంగా చర్యలు తీసుకునే వీలుంది. ఇప్పటికే ముఖ్యమంత్రి కార్యాలయానికి ఈ వీడియో వాస్తవ విషయంపై నిఘా వర్గాలు సమాచారం అందించారని తెలిసింది. ఈ వీడియో వైరల్ కావడంతో వైసీపీ అధినేత జగన్ కూడా సీరియస్ అయినట్లు తెలిసింది. పూర్తి స్థాయి విచారణ చేేపట్టాలని అధికారులను ఆదేశించినట్లు సమాచారం. విచారణ నివేదిక వచ్చిన తర్వాత గోరంట్ల మాధవ్ పై వేటు పడే అవకాశాలు స్పష్టంగా ఉన్నాయి. ఈరోజు, రేపో ఆయన పై చర్యలుంటాయని పార్టీ వర్గాలు ఆఫ్ ది రికార్డు గా చెబుతున్నాయి.