రాజీనామా... పార్టీ మారడంపై రోజా సంచలన ప్రకటన

పార్టీ మారాల్సిన అవసరం తనకు లేదని రోజా తెలిపారు. తప్పు చేసిన వాళ్లే పార్టీని వీడతారని రోజా అభిప్రాయపడ్డారు. జగనన్నను ప్రేమించే తాను పార్టీ మారాల్సిన పని లేదన్నారు. జగనన్న పార్టీ పెట్టక ముందు నుంచి తాను ఉన్నానని రోజా గుర్తు చేశారు. ఆడబిడ్డగా ఈగడ్డపై చస్తానని, ఇక్కడే ఉండి పోరాటం చేస్తానని రోజా తెలిపారు. అందరూ పల్లె నుంచి వెళ్లి పట్నంలో ఇల్లు కట్టుకుంటుంటే తాను నగరిలో ఇల్లు కట్టుకున్న విషయాన్ని ఆమె గుర్తు చేశారు. తాను ఎన్నో పోరాటాలు చేసిన విషయాన్ని రోజా ఈ సందర్భంగా గుర్తు చేశారు.