Weather Report : సమ్మర్ పీక్స్ కు చేరుకుంటుందా? ఉడికపోవడం గ్యారంటీయా?

ఆంధ్రప్రదేశ్ లో ఇప్పుడే వేసవి కాలం మొదలయిందనే చెప్పాలి. ఈ నెల చివరి నుంచి విద్యాసంస్థలకు ఒంటిపూట పెట్టాల్సిన పరిస్థితులు నెలకొనే అవకాశముందని చెబుతున్నారు. గరిష్టంగా ఉష్ణోగ్రతలు ఇప్పటికే నమోదవుతుండటం, రోడ్లు కాలిపోతున్నాయి. ప్రయాణాలు చేసే వారు జాగ్రత్తగా ఉండాలంటున్నారు. ఉదయం పది గంటల నుంచి సాయంత్రం నాలుగు గంటల వరకూ ఎండల తీవ్రత ఉంటుంది. మరొకైపు అమరావతి వాతావరణ శాఖ మాత్రం నేడు రాష్ట్రంలో పొడి వాతావరణం నెలకొని ఉంటుందని చెబుతున్నారు. కానీ ఉత్తరాంధ్ర, కోస్తాంధ్రలలో సాధారణం కంటే రెండు నుంచి మూడు డిగ్రీల ఉష్ణోగ్రతలు గరిష్టంగా, రాయలసీమలో మాత్రం సాధారణం కంటే రెండు నుంచి నాలుగు డిగ్రీలు తక్కువగా నమోదయ్యే అవకాశముందని చెబుతున్నారు.

ఇక తెలంగాణలోనూ వాతావరణం మారింది. ఎండలు ఎక్కువవుతున్నాయి. అయితే హైదరాబాద్ వాతావరణ శాఖ మాత్రం ఈ నెలాఖరులో అకాలవర్షాలు కురిసే అవకాశముందని చెబుతున్నాయి. ఒకసారి వర్షం పడి వెళితే ఇక అప్పటి నుంచి సమ్మర్ మరింత పీక్స్ కు చేరుకుంటుంది. వానలు పడ్డాయన్న సంతోషం ఆవిరి అయి.. ఉక్కపోతతో ఊపిరి ఆగిపోతుందన్న భయం నెలకొని ఉంది. ఇప్పటికే తెలంగాణలో అనేక చోట్ల గరిష్టంగా ఉష్ణోగ్రతలు నమోదవుతున్నాయి. గరిష్టంగా 33 డిగ్రీలు నమోదువుతున్నాయని వాతావరణ శాఖ అధికారులు తెలిపారు. ఇక శివరాత్రి తర్వాత ఎండల తీవ్రత మరింత పెరిగే అవకాశముంది. ప్రజలు బయటకు పగటి వేళ వస్తే తగిన జాగ్రత్తలు తీసుకోవాలని సూచిస్తున్నారు.