న్యూ ఇయర్ వేడుకలపై నిబంధనలు తప్పవు : సీపీ సీవీ ఆనంద్

హైదరాబాద్ సీపీగా.. సీవీ ఆనంద్ బదిలీ కావడంతో.. కొద్దిసేపటి క్రితమే ఆయన బాధ్యతలు స్వీకరించిన సంగతి తెలిసిందే. ఈ సందర్భంగా నిర్వహించిన మీడియా సమావేశంలో ఆయన మాట్లాడారు. ప్రపంచ వ్యాప్తంగా ఒమిక్రాన్ సృష్టిస్తోన్న అలజడిని గుర్తు చేశారు. ఒమిక్రాన్ వ్యాప్తిని నగరంలో అరికట్టాలంటే.. న్యూ ఇయర్ వేడుకలపై నిబంధనలు తప్పవని తెలిపారు. ప్రతిఒక్కరూ మాస్కులు ధరించడంతో పాటు.. సామాజిక దూరం పాటించేలా చర్యలు తీసుకుంటామన్నారు. ఈ విషయంపై ప్రభుత్వ ఆదేశాల మేరకు చర్యలు చేపడుతామన్నారు. అలాగే సైబర్ నేరాలను కూడా అరికట్టేందుకు తనవంతు కృషి చేస్తానని వెల్లడించారు.