Revanth Reddy : మూసీ ప్రక్షాళనను అడ్డుకుంటే శివతాండవమే

మూసీ నది ఒడ్డున శివాలయంతో పాటు, మసీదు, చర్చిలను కూడా నిర్మించనున్నామని తెలిపారు. మూసీ పునరుజ్జీవం ప్రాజెక్టుకు ఎవరైనా అడ్డుపడితే ప్రజలే వారికి తగిన బుద్ధి చెబుతారన్నారు. నిత్యావసరాల కంటే ఈ మూసీ నది ప్రక్షాళన అవసరమని, ఇది ప్రజల ఆరోగ్యాన్ని కాపాడుతుందని అన్నారు. ఎవరైనా మూసీ నది ప్రక్షాళనకు అడ్డుపడితే ప్రభుత్వం శివతాండవం చేస్తుందని ముఖ్యమంత్రి రేవంత్ రెడ్డి అన్నారు. ఎన్ని కోట్లు ఖర్చయినా భావితరాల కోసమే ఈ ప్రాజెక్టును నిర్మించ తలపెట్టినట్లు రేవంత్ వివరించారు. ప్రతి ఒక్కరూ దీనికి సహకరించాలని కోరారు.