SLBC Accident : ఎనిమిది మంది జాడ తెలిసేదెన్నడు... సన్నగిల్లిన ఆశలు

శ్రీశైలం ఎడమ కాల్వ టన్నెల్ లో సహాయక బృందాలు చేపట్టిన రెస్క్యూ కార్యక్రమం చివరి దశకు చేరింది. ఇప్పటికే ఎనిమిది రోజులు కావస్తుండటంతో ఎనిమిది మంది కార్మికులు బతికి ఉంటారన్న ఆశలు సన్నగిల్లాయి. అయితే తాజాగా రెస్క్యూ టీం కార్మికుల చిక్కుకున్న ప్రదేశాన్ని గుర్తించినట్లు చెబుతున్నారు. అయితే అధికారులు దీనిని ధృవీకరించడం లేదు. గ్రౌండ్ పెనట్రేటింగ్ రాడార్ పరికరంతో కార్మికులు చిక్కుకున్న ప్రదేశాన్ని అయితే గుర్తించారు కానీ వారి జాడ మాత్రం తెలియరాలేదు. తాము గుర్తించిన ప్రాంతాన్ని స్కానింగ్ చేశారు. గత శనివారం ఉదయం 8.30 గంటలకు ప్రమాదం జరిగి టన్నెల్ లో బురద, నీరు పడిపోవడంతో కార్మికులు బతికే అవకాశం లేదని అధికారులు ఆఫ్ ది రికార్డుగా చెబుతున్నారు.