సంగారెడ్డిలో ఘోర ప్రమాదం .. ఐదుగురు కార్మికుల మృతి

సంగారెడ్డి జిల్లా పాశమైలారంలోని పారిశ్రామిక వాడలోని సిగాచీ రసాయన పరిశ్రమలో రియాక్టర్ పేలింది. దాదాపు ఐదుగురు మరణించారు. మృతులు ఒడిశా రాష్ట్రానికి చెందిన వారని చెబుతున్నారు. రియాక్టర్ పేలడంతో భవనం కూలిపోయింది. పెద్దయెత్తున మంటలు ఎగిసిపడ్డాయి. ఈ ప్రమాదంలో ఇరవై మంది కార్మికులు గాయపడ్డారు. మరో పదిహేను మంది కార్మికులు చిక్కుకుపోయారని అంటున్నాు. గాయపడిన కార్మికులను వెంటనే ఆసుపత్రికి తరలించారు. పేలుడు ధాటికి కార్మికులు వంద మీటర్ల దూరంలో ఎగిరి పడ్డారు. స్థానికుల సమాచారం ఇవ్వడంతో వెంటనే అక్కడకు చేరుకున్న అగ్నిమాపక సిబ్బంది మంటలను అదుపులోకి తెచ్చే ప్రయత్నం చేశారు.