Murder Case : భర్తను హత్య చేసి.. రోడ్డు ప్రమాదంగా చిత్రీకరించి.. దొరికిపోయిన భార్య

వివాహేతర సంబంధం భర్తను దారుణంగా భార్య హత్య చేసిన ఘటన తెలంగాణలో జరిగింది. మహబూబాబాద్ జిల్లా కేసముద్రం మండలంలో ఈ ఘటన చోటు చేసుకుంది. గృహరుణాన్ని మాఫీ పొందాలనే ఆశతో పాటు అక్రమ సంబంధానికి అడ్డుగా ఉన్న భర్తను తొలగించాలనే ఉద్దేశంతో ఓ మహిళ తన ప్రియుడు, మరొక వ్యక్తి సహకారంతో భర్తనే హత్య చేయించినట్లు పోలీసుల దర్యాప్తులో వెల్లడైంది. కేసముద్రం పోలీసుల కథనం ప్రకారం... మండలంలోని బోడమంచతండా శివారులో భూక్య ఈరన్న అనుమానాస్పద స్థితిలో మృతి చెందాడు. తొలుత దీనిని రోడ్డు ప్రమాదంగా చిత్రీకరించినప్పటికీ, పోలీసుల లోతైన దర్యాప్తులో ఇది పక్కా హత్యగా తేలింది. ఈ ఘటనకు సంబంధించి పోలీసులు ముగ్గురు నిందితులను అరెస్ట్ చేశారు.