Weather Report : మూడు రోజులు భారీ వర్షాలు తప్పవు..అక్కడ అలెర్ట్ గా ఉండాల్సిందే

ఆంధ్రప్రదేశ్, తెలంగాణలలో మూడు రోజుల పాటు వర్షాలు పడతాయని వాతావరణ శాఖ తెలిపింది. నైరుతి ఆవర్తన ప్రభావంతో పాటు రుతుపవనాలు వేగంగా కదలడంతో వర్షాలు పడతాయని చెప్పింది. ఆంధ్రప్రదేశ్ లో కొన్ని చోట్ల ఉరుములు, మెరుపులతో కూడిన జల్లులు పడతాయని చెప్పింది. గంటకు నలభై నుంచి యాభై కిలోమీటర్ల వేగంతో ఈదురుగాలులు వీస్తాయని తెలిపింది. అయితే ఎక్కువగా కోస్తాంధ్రలో దీని ప్రభావం ఎక్కువగా ఉంటుందని వాతావరణ కేంద్రం పేర్కొంది. కోస్తాంధ్ర జిల్లాల్లో ఉరుములు, మెరుపులతో కూడిన భారీవర్షాలు పడతాయని కూడా చెప్పింది. అలాగే రాయలసీమ, దక్షిణ కోస్తా ప్రాంతాల్లో ఉష్ణోగ్రతలు అధికంగా నమోదవుతాయని,ముప్ఫయి నుంచి నలభై డిగ్రీల వరకూ నమోదవుతాయని వాతావరణకేంద్రంతెలిపింది.