Rain Alert : మరో మూడు రోజులు భారీ వర్షాలు.. రెండు రాష్ట్రాలకు అలెర్ట్

తెలంగాణలో మూడు రోజుల పాటు భారీ వర్షాలు పడతాయని హైదరాబాద్ వాతావరణ శాఖ తెలిపింది. బలమైన ఈదురుగాలులు వీస్తాయని, ఉరుములు, మెరరుపులోకూడిన గంటకు నలభై నుంచి యాభై కిలోమీటర్ల వేగంతో ఈదురుగాలులు వీస్తాయని కూడా తెలిపింది. ఈరో్జు తెలంగాణలోని నాగర్ కర్నూల్, భువనగిరి, హన్మకొండ,వరంగల్, మహబూబాబాద్, సూర్యాపేట్, నల్గొండ, హైదరాబాద్, రంగారెడ్డి, మేడ్చల్ మల్చాజ్ గిరి జిల్లాల్లో భారీ వర్షాలు నమోదవుతాయని తెలిపింది. ఆదివారం వరకూ ఈ భారీ వర్షాలు తప్పవని చెప్పింది. కొన్నిజిల్లాలకు హైదరాబాద్ వాతావరణ కేంద్రం ఎల్లో అలెర్ట్ జారీ చేసింది. తేలికపాటి నుంచి మోస్తరు వర్షాలు పడే జిల్లాలకు ఈ అలెర్ట్ జారీ చేసింది.

ఆంధ్రప్రదేశ్ లోనూ మూడు రోజుల పాటు మోస్తరు నుంచి భారీ వర్షాలు పడే అవకాశముందని విశాఖవాతావరణ కేంద్రం తెలిపింది. గంటకు నలభై నుంచి యాభై కిలోమీటర్ల వేగంతో ఈదురుగాలులు వీచే అవకాశముందని పేర్కొంది. దక్షిణ కోస్తా ప్రాంతంలో తేలికపాటి నుంచిమోస్తరు వర్షాలు పడతాయని తెలిపింది. ఉరుములు, మెరుపులతో కూడిన జల్లులుపడతాయని చెప్పింది. ఉత్తర కోస్తా ప్రాంతంలో కొన్నిచోట్ల భారీవర్షాలు కురిసే అవకాశముందని కూడా వాతావరణ కేంద్రం తెలిపింది. ఇక రాయలసీమలో ఈరోజు మోసర్తు వర్షాలు పడతాయని, అదే సమయంలో ఉరుములు, మెరుపులతో కూడిన వర్షంపడుతుందని కూడా విశాఖ వాతావరణ కేంద్రం తెలిపింది. ప్రజలు అప్రమత్తంగా ఉండాలని సూచించింది.