సిగాచీ పరిశ్రమ మృతులకు తక్షణ సాయాన్ని ప్రకటించిన రేవంత్

సిగాచీ పరిశ్రమ అనుమతులు, బోర్డు సభ్యులపైన కూడా ముఖ్యమంత్రి రేవంత్ రెడ్డి ఆరా తీశారు. తనిఖీలు చేశారా? పూర్తి స్థాయి నివేదికను తనకు సమర్పించాలని కార్మిక శాఖ అధికారులను ఆదేశించారు. ప్రమాదానికి గల కారణాలను తెలుసుకునేందుకు నిపుణులను నియమించి నివేదిక రూపొందించాలని అన్నారు. ఊహాగానాలతో నివేదికలు వద్దని, పక్కాగా ఏం జరిగిందన్నదానిపైనే తనకు నివేదిక కావాలని ముఖ్యమంత్రి రేవంత్ రెడ్డి అధికారులతో చెప్పారు. గాయపడిన వారికి మెరుగైన వైద్య సైవలు అందించాలని, అందుకు అయ్యే ఖర్చు ప్రభుత్వమే భరిస్తుందని తెలిపారు.