Breaking : కాంగ్రెస్ రాజ్యసభ అభ్యర్థి పేరు ఖరారు

తెలంగాణ కాంగ్రెస్ రాజ్యసభ అభ్యర్థుల ఎంపిక పూర్తయింది. వేం నరేందర్ రెడ్డిని రాజ్యసభ అభ్యర్థిగా పోటీ చేయించాలని నిర్ణయించారు. వరంగల్ జిల్లాకు చెందిన వేం నరేందర్ రెడ్డి ముఖ్యమంత్రి రేవంత్ రెడ్డికి అత్యంత సన్నిహితుడు. రేవంత్ రెడ్డి కాంగ్రెస్ లోకి వచ్చే సమయంలో ఆయన వెంట పార్టీలోకి వచ్చిన వారు. ఇద్దరికీ తెలుగుదేశంపార్టీలో ఉన్న నాటి నుంచి మంచి స్నేహబంధం ఉంది. వేం నరేందర్ రెడ్డి పేరును ఖరారు చేసే పనిమీదనే నేడు ముఖ్యమంత్రి రేవంత్ రెడ్డి ఢిల్లీకి బయలు దేరి వెళ్లారు. పార్టీ నాయకత్వంతో చర్చించారు.