నేడు సిట్ ఎదుటకు సంతోష్ రావు

ఇప్పటికే మాజీ మంత్రులు హరీశ్ రావు, కేటీఆర్ లను ఈ కేసులో విచారణ చేశారు. ఉదయం నుంచి రాత్రి ఆరు గంటల వరకూ వారిని విచారించారు. నేడు సంతోష్ రావును సిట్ అధికారులు విచారించనున్నారు. ఫోన్ ట్యాపింగ్ కేసులో సంతోష్ రావు ప్రమేయం కూడా ఉందని కొందరు విచారణ సందర్భంగా వెల్లడించడంతోనే విచారణ చేస్తున్నామని సిట్ అధికారులు ఆఫ్ ది రికార్డుగా చెబుతున్నారు. ఫోన్ ట్యాపింగ్ కేసును హైదరాబాద్ పోలీస్ కమిషనర్ సజ్జనార్ నేతృత్వంలోని బృందం విచారణ జరుపుతున్న సంగతి తెలిసిందే.