T20 World Cup : బంతి.. బంతికి.. పరుగు.. పరుగునూ ఇక లెక్కేసుకోండి భయ్యా?

మ్యాచ్ ఎవరి వైపు అయినా సులువుగా తిరిగే అవకాశముంది. అయితే భారత్ జట్టు టీ20 మ్యాచ్ లలో ప్రపంచంలోనే మేటి జట్టుగా ఉంది. బ్యాటర్లు, బౌలర్లు సమపాళ్లలో ఉండటం భారత్ బలం. అయితే అమెరికా, నమీబియాపై భారత్ చెమటోడ్చి గెలిచిన తర్వాత కొన్ని సందేహాలు ఇండియన్ క్రికెట్ ఫ్యాన్స్ ను వెంటాడుతున్నాయి. పసికూనలపై కష్టపడి గెలవడంతో పాటు నమీబియాలో బ్యాటర్లు విఫలం కావడం కూడా కొంత చర్చకు దారి తీసింది. పాక్ స్పిన్నర్ల ధాటికి భారత్ తట్టుకుంటుందా? లేదా? అన్న అనుమానాలున్నాయి. అయితే ఐదుగురు స్పెషలిస్ట్ బ్యాటర్లు, ముగ్గురు ఆల్ రౌండర్లు ఉండటం భారత్ కు కలసి వచ్చే అంశం. అభిషేక్ శర్మ వస్తుండటం కూడా గుడ్ న్యూస్ అని చెప్పాలి.

ఇక పాకిస్తాన్ విషయానికి వస్తే భారత్ తో మ్యాచ్ అంటే వత్తిడికి ఎక్కువగా లోనవుతుంది. వత్తిడిలో కొన్ని పొరపాట్లు దాని ఓటమికి కారణమవుతాయని చెప్పాలి. భారత్ జట్టుకు వత్తిడి భయం లేదు. మరొకవైపు పాక్ లో స్పిన్నర్లు ఆ జట్టుకు బలంగా కనిపిస్తున్నారు. బ్యాటర్లలోనూ మంచి హిట్టర్లు న్నారని, దీంతో తమ గెలుపు ఈసారి భారత్ పై సునాయసమేనని అంటున్నారు. కానీ గణాంకాలు చూస్తే భారత్ వైపు చూపిస్తున్నాయి. రికార్డు లేకపోయినా ఈసారి విజయం సాధిస్తామని ఆ జట్టు ధీమాగా కనిపిస్తుంది. కొలొంబోలో గత కొన్ని రోజులుగా ఆడుతున్న మ్యాచ్ లు పాక్ కు కలసి వచ్చే అంశంగా చెబుతున్నారు. మరొకవైపు నేడు కొలొంబోలో వర్షం పడే సూచనలున్నాయని వాతావరణ శాఖ హెచ్చరించింది. వర్షం కురిస్తే మ్యాచ్ ను రద్దు చేస్తే చెరొక పాయింట్ వస్తుంది. లేకుంటే.. ఓవర్లు కుదించి మ్యాచ్ నిర్వహిస్తారు.