నెల్లూరు అభ్యర్థిని ప్రకటించిన టిడిపి అధిష్టానం

ఇటీవలే మాజీ మంత్రి, వైసీపీ ఎమ్మెల్యే అనిల్‌ కుమార్ యాదవ్ నెల్లూరు సిటీలో తమపై పోటీ చేయాలని సవాల్ చేయడం, ఎమ్మెల్యే ఆనం రాంనారాయణ ప్రతిసవాళ్లు విసరడం.. ఇలా వారంరోజులుగా రాజకీయాలు హీటెక్కాయి. ఈ క్రమంలో టీడీపీ అధిష్టానం నెల్లూరు అభ్యర్థిని ప్రకటించింది. మాజీ ఎమ్మెల్యే, మాజీ మంత్రి, నారాయణ విద్యాసంస్థల అధినేత పొంగూరు నారాయణను నెల్లూరు సిటీ అభ్యర్థిగా ఖరారు చేసింది. గత ఎన్నికల్లోనూ.. అనిల్ - నారాయణ ల మధ్యే పోటీ జరిగింది. అప్పుడు అనిల్ గెలిచారు. మరి 2024లోనూ ఈ ఇద్దరే బరిలోకి దిగుతుండటంతో.. పోటీ హోరాహోరీగా సాగడం ఖాయంగా కనిపిస్తోంది. అయితే.. తనపై పోటీ చేయాలని అనిల్ .. ఆనం రాంనారాయణకు సవాల్ చేసిన నేపథ్యంలో.. అధిష్టానం ఆదేశిస్తే ఎక్కడినుంచైన పోటీకి రెడీ అంటూ అనిల్ కు కౌంటర్‌ ఇచ్చారు.