ఆవుకి ఘనంగా సీమంతం.. 24 రకాల వంటకాలతో విందు

ఈ వేడుకకు దాదాపు 500 మంది అతిథులు హాజరవ్వగా.. 24 రకాల వంటకాలను వడ్డించారు. తమిళనాడులోని మేలపట్టు గ్రామంలో ఉన్న ఆరుతరమ్ తిరుపురసుందరి అమ్మై ఆలయ ట్రస్ట్ ఈ ఆవును సంరక్షిస్తుంది. ఈ ఆవు పేరు అంశవేణి. సీమంతం సందర్భంగా ఆవుని పువ్వులు, గంటలతో చూడచక్కగా అలంకరించారు. సీమంతం చేసుకున్న ఆవుకు అనేక రకాల గిప్టులు కూడా అందాయి. మహిళలు ధరించే కంకణాలతో సహా 48 రకాల కానుకలు వచ్చాయి. సీమంతం పూర్తయ్యాక మహిళలంతా ఆవు నుంచి ఆశీర్వాదం తీసుకున్నారు.