తెలుగు రాష్ట్రాలకు పోలీస్ పతకాలు.. తెలుగు రాష్ట్రాలకు 32 పతకాలు

రేపు గణతంత్ర దినోత్సవాన్ని పురస్కరించుకుని కేంద్ర హోంశాఖ సైనిక, పోలీస్ అధికారులకు పతకాలను ప్రకటించింది. దేశవ్యాప్తంగా 901 మంది పోలీసులకు పతకాలను అందజేయనుంది. వారిలో 32 మంది తెలుగు రాష్ట్రాలకు చెందిన పోలీసులున్నారు. ఏపీ నుండి 17 మంది, తెలంగాణ నుండి 15 మంది పతకాలను అందుకోనున్నారు. ఆంధ్రప్రదేశ్‌ నుంచి అదనపు డీజీ అతుల్‌ సింగ్‌, 6వ బెటాలియన్‌ రిజర్వ్‌ సబ్‌ ఇన్‌స్పెక్టర్‌ సంగం వెంకటరావు, తెలంగాణ నుంచి అదనపు డీజీ అనిల్‌ కుమార్‌, 12వ బెటాలియన్‌ అదనపు కమాండెంట్‌ రామకృష్ణ రాష్ట్రపతి పతకాలను అందుకోనున్నారు. అలాగే ఏపీలో 15 మంది, తెలంగాణలో 13 మంది విశిష్ఠ సేవా పతకాలను అందుకోనున్నారు.