కుప్పకూలిన ఆర్మీ హెలికాప్టర్ .. ఇద్దరు గల్లంతు

భారత వైమానిక దళానికి చెందిన చీతా అనే హెలికాప్టర్ కుప్పకూలింది. అరుణాచల్ ప్రదేశ్ ప్రాంతంలో హెలికాప్టర్ కూలిపోగా.. అందులో ఉన్న ఇద్దరు పైలట్లు గల్లంతయ్యారు. గురువారం బొమ్డిల పట్టణానికి పశ్చిమాన మండాల అనే ప్రాంతంలో హెలికాప్టర్ కూలినట్లు గుర్తించారు. ఉదయం 9.15 గంటలకు చీతా ఎయిర్ ట్రాఫిక్ కంట్రోల్ తో సంబంధాలు కోల్పోయినట్టు అధికారులు గుర్తించారు. ఈ మేరకు గువాహటి రక్షణ రంగ ప్రజా సంబంధాల అధికారి లెఫ్టినెంట్ కల్నల్ మహేంద్ర రావత్ ప్రకటన విడుదల చేశారు. విధి నిర్వహణలో భాగంగా ఈ హెలికాప్టర్ సెంగె నుంచి మిస్సమరి వెళ్తోందని, ఉన్నట్టుండి దాని ఆచూకీ కనిపించలేదన్నారు.