బంగారం కొనాలంటే ఇక కష్టమేనా?

బంగారం ధరలు అంటేనే మండిపోతుంటాయి. కొనుగోలు చేయలేని స్థితికి చేరుకున్నాయి. బంగారం అపురూపమైన వస్తువుగా మారింది. చిన్న వస్తువు బంగారంతో తయారు చేయించుకోవాలనుకున్నా తలకు మించిన భారంగా మారుతుంది. బంగారానికి ఉన్న డిమాండ్ పెరగడం వల్లనే రేట్లు కూడా అధికంగా పెరిగాయి. కేంద్ర బ్యాంకుల్లో నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలతో బంగారం ధరల్లో ఎప్పటికప్పుడు మార్పులు చేర్పులు చోటు చేసుకుంటాయని మార్కెట్ నిపుణులు చెబుతున్నారు. పేదలు కొనుగోలు చేసే పరిస్థితి నుంచి క్రమంగా బంగారానికి మధ్య తరగతి కూడా దూరమయ్యే పరిస్థితికి చేరుకుంటుంది. కేవలం ఎగువ మధ్యతరగతి, ధనికుల వస్తువుగానే బంగారం మిగిలిపోతుందన్నది ఎంతో దూరం లేదు.