బంగారం కొనాలంటే.. ధరలు ఇలా

బంగారం మహా ప్రియంగా మారిపోయింది. బంగారం ధరలు అంటేనే ఒకరోజు పెరుగుతుంటాయి. మరొక రోజు తగ్గుతుంటాయి. పెరిగితే భారీగా తగ్గితే స్వల్పంగా ఉండే బంగారం ధరలను చూసి పసిడి ప్రియులు షాక్ అవ్వాల్సిందే. బంగారం రోజూ కొనుగోలు చేసే వస్తువు కాదు. నెలవారీ నిత్యవాసర సరుకు కాదు. అత్యవసరమైనది అంతకంటే కాదు. కానీ బంగారానికి ఉన్న డిమాండ్ మాత్రం ఎప్పుడు తగ్గదు. కేవలం పెళ్లిళ్ల సీజన్ లోనూ, శుభకార్యాల కోసమే బంగారాన్ని కొనుగోలు చేస్తుంటారు. భారతీయ సంప్రదాయ వస్తువుగా మాత్రమే భావించే బంగారం ధరలు నానాటికి అందకుండా పోతున్నాయి. కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలో బంగారం ధరల్లో మార్పులు చోటు చేసుకుంటాయని మార్కెట్ నిపుణులు చెబుతున్నారు.