నేడు జాతీయ సమావేశంలో ప్రధాని ప్రసంగం
భారతీయ జనతా పార్టీ జాతీయ సమావేశాలు నేడు కూడా జరగనున్నాయి. నేడు ప్రధాని ప్రసంగంతో సమావేశాలు ముగియనున్నాయి
భారతీయ జనతా పార్టీ జాతీయ సమావేశాలు నేడు కూడా జరగనున్నాయి. వరసగా రెండు రోజుల పాటు జరగనున్న ఈ సమావేశాలలో అన్ని రాష్ట్రాలకు చెందిన ముఖ్యనేతలు పాల్గొన్నారు. రానున్న లోక్‌సభ ఎన్నికల్లో 400 స్థానాలను సాధించే లక్ష్యంగా ఈ సమావేశాలను నిర్వహిస్తున్నారు. వచ్చే ఎన్నికల్లో ఒంటరిగానే దేశంలో మూడోసారి అధికారంలోకి రావాలన్న టార్గెట్ తో అనుసరించాల్సిన వ్యూహాలపై అన్ని రాష్ట్రాల నేతలతో చర్చించనున్నారు.
నేతలకు దిశానిర్దేశం...
ఈ రోజు సమావేశంలో ప్రధాని నరేంద్ర మోదీ ప్రసంగించనున్నారు. పార్టీ శ్రేణులకు రానున్న ఎన్నికల్లో అనుసరించాల్సిన వ్యూహాలపై దిశానిర్దేశం చేయనున్నారు. వివిధ రాష్ట్రాల్లో పొత్తులపై ఈ సమావేశాల తర్వాత స్పష్టత వచ్చే అవకాశముంది. హ్యట్రిక్ విజయం సాధించేందుకు పార్టీ శ్రేణులను సమాయత్తం చేసేందుకు ఈ సమావేశాలను బీజేపీ నిర్వహిస్తుంది. ప్రధాని ప్రసంగంతో ఈ సమావేశాలు ముగియనున్నాయి.