త్రివిధ దళాల ఆధ్వర్యంలో యోగా డే వేడుకలు

ఒకే భూమి, ఒకే కుటుంబం, ఒకటే భవిష్యత్తు నినాదంతో 19 యుద్ధనౌకలు, 3500 మంది సిబ్బందితో యోగా డే వేడుకలు జరగనున్నాయి. 11 పోర్టులు, 11 సరిహద్దు ప్రాంతాల్లోనూ యోగా దినోత్సవ వేడుకలను నిర్వహిస్తున్నారు. 106 ప్రదేశాల్లో భారత్ మాల ఆకృతిలో యోగా చేయాలని ఆర్మీ నిర్ణయించింది. సియాచిన్, కన్యాకుమారి, అండమాన్ లలో సైనికులు యోగాసనాలు వేయనున్నారు. ఆయా రాష్ట్రాల్లో జరగనున్న యోగా దినోత్సవ వేడుకలకు కేంద్రమంత్రులు హాజరుకానున్నారు. భారత్ లో మాత్రమే కాకుండా.. బంగ్లాదేశ్, ఈజిప్ట్, ఇండోనేషియా, కెన్యా, మడగాస్కర్, ఒమన్, శ్రీలంక, థాయ్ లాండ్, దుబాయ్ హార్బర్ల లోనూ నౌకాదళ సిబ్బంది యోగాసనాలు వేశారు.