నటి ప్రకృతిని జుట్టు పట్టుకుని కొట్టిన హీరో భార్య

ఒడియా హీరో బబూసన్‌ భార్య తృప్తి.. హీరోయిన్‌ ప్రకృతిపై దాడి చేసింది. భర్తతో అక్రమసంబంధం పెట్టుకుందన్న కారణంతో కారులో వెళ్తున్న నటిని అడ్డుకుని నడిరోడ్డుపై జుట్టుపట్టి కొట్టింది. ప్రస్తుతం ఈ వీడియో వైరల్‌ అవుతోంది. ఒడియా హీరోయిన్‌ ప్రకృతి మిశ్రా, హీరో బబుసన్‌ మెహంతి ప్రేమమ్‌ సినిమాలో కలిసి నటించారు. ఉత్కల్‌ అసోసియేషన్‌ చెన్నైలో ఏర్పాటు చేసిన ఓ కార్యక్రమానికి వీళ్లిద్దరూ హాజరయ్యారు. మెహంతి భార్య తృప్తి వీళ్లిద్దరి మధ్య ఏదో ఉందని.. మాయచేసి బుట్టలో వేసుకుందని ఆగ్రహంతో ఊగిపోయింది. శనివారం నాడు భువనేశ్వర్‌ నుంచి తన భర్తతో బయలు దేరిన ప్రకృతి కారును రోడ్డుమీదే అడ్డగించింది. ప్రకృతి కారులోకి ఎక్కిన తృప్తి ఆమెను జుట్టుపట్టుకుని లాగింది. దీంతో ప్రకృతి భయంతో దయచేసి సాయం చేయండి అని అడుక్కుంది. ప్రకృతి, తృప్తి నుంచి ఎలాగోలా తప్పించుకుని బయటపడింది. కారు దిగిన ప్రకృతి పరుగులు పెట్టింది.