మాజీ సీఎం భార్యపై గృహహింస కేసు

ఎక్కువ మంది ఎమ్మెల్యేలు సుఖ్విందర్ సింగ్ వైపు ఉండటంతో ఆమె తనంతట తాను పోటీ నుంచి తప్పుకున్నట్లు ప్రకటించారు. అయితే ఇప్పుడు ఆమె వివాదంలో చిక్కుకోవడం కాంగ్రెస్ కు ఇబ్బందిగా మారింది. 2019 లో వీరభద్రసింగ్ కుమారుడు విక్రమాదిత్యకు, రాజస్థాన్ కు చెందిన సుదర్శన సింగ్ చుండావత్ తో వివాహమయింది. అయితే పెళ్లయిన కొద్దిరోజులకే తనపై వేధింపులకు పాల్పడ్డారని సుదర్శన సింగ్ ఆరోపిస్తున్నారు. ఆమె ఉదయపూర్ పోలీసులకు ఫిర్యాదు చేశారు. తనను మానసికంగా వేధింపులకు గురిచేయడమేకాకుండా శారీరకంగా హింసించారంటూ ఫిర్యాదు చేశారు.

తన భర్త విక్రమాదిత్యకు చంఢీగడ్ కు చెందిన ఒక యువతితో వివాహేతర సంబంధం ఉందని, అందుకోసమే తనను వేధిస్తున్నారని ఆమె ఆరోపించారు. తల్లీ, కొడుకులు ఇద్దరూ తనను మానసికంగా వేధించేవారని, తన మామ వీరభద్రసింగ్ మరణించిన తర్వాత మరింత వేధింపులకు పాల్పడ్డారన్నారు. తనను బలవంతంగా పుట్టింటికి పంపారని ఆమె చెప్పారు. దీనిపై పోలీసులు కేసు నమోదుచేసి ప్రతిభా సింగ్, విక్రమాదిత్యలకు నోటీసులు జారీ చేసినట్లు తెలిసింది. తనకు భరణం ఇప్పించాలని ఆమె న్యాయస్థానాన్ని కూడా ఆశ్రయించనున్నారని తెలిసింది.