మెగా స్టార్ చిరంజీవి 'ఖైదీ నెంబర్ 150' తర్వాత చాలా గ్యాప్ తీసుకుని సురేందర్ రెడ్డి దర్శకత్వంలో స్వాతంత్ర్య సమరయోధుడు 'సైరా నరసింహారెడ్డి' జీవిత చరిత్రను చేస్తున్న సంగతి తెలిసిందే. భారీ తారాగణంతో, బడ్జెట్ తో అన్ని హంగులు కలుపుకుని రూపొందుతున్న ఈ చిత్రానికి మెగా అభిమానులులే కాదు దక్షిణాది ప్రేక్షకుల్లో భారీ అంచనాలున్నాయి.
ఈ చిత్రానికి సంబంధించి డైరెక్టర్ సురేందర్ రెడ్డి...నరసింహారెడ్డికి సంబంధించిన అన్ని విషయాలు తెలుసుకుంటున్న ప్రయత్నంలో.. రూపంగుడి ప్రాంతానికి వెళ్లి నరసింహారెడ్డి జీవితానికి సంబంధించిన పలు విశేషాల్ని తెలుసుకునే ప్రయత్నం చేశారు. ఈ సందర్భంగా అయన మాట్లాడుతూ ఈ సినిమా భారత దేశం గర్వించే స్థాయిలో ఉంటుందని ధీమా వ్యక్తం చేశారు. భారతీయులందరు 'సై రా' సినిమాతో సంతృత్తి పొందుతారని చెబుతున్నాడు.
ఈ చిత్రంలో అమితాబ్ బచ్చన్, విజయ్ సేతుపతి, సుదీప్, నయనతార వంటి స్టార్ నటీనటులు నటిస్తున్నారు. ఈ చిత్రానికి రామ్ చరణ్ నిర్మతగా వ్యవహరిస్తున్నారు. ఈ చిత్రానికి రత్నవేలు సినిమాటోగ్రాఫేర్ కాగా..రెహమాన్ సంగీతం అందిస్తున్నారు.