'బాహుబలి' సీరీస్ కోసం ప్రభాస్ ఏకంగా ఐదేళ్లు కేటాయించాడు. ఎంత టైం కేటాయిస్తేనేం అంతకన్నా ఎక్కువ ఫలితాన్ని చవిచూశాడు. పేరుకి పేరు, డబ్బుకి డబ్బు ప్రభాస్ కి దక్కాయి. జాతీయస్థాయిలో ప్రభాస్ పేరు మార్మోగిపోయింది. మరి 'బాహుబలి' లో ప్రభాస్ చేసిన నటనకు ప్రభాస్ అభిమానులే కాదు అందరూ ఫిదా అయిపోయారు. ఇక బాహుబలి అర్వాత ప్రభాస్ తన నెక్స్ట్ ప్రాజెక్టు ని సుజిత్ డైరెక్షన్ లో యూవీ క్రియేషన్స్ వారికి చేస్తున్నాడు. 'బాహుబలి' విడుదల రోజునే 'సాహో' చిత్ర టైటిల్, టీజర్ తో వచ్చేసాడు ప్రభాస్. అప్పుడే అన్నారు అందరూ ప్రభాస్ స్పీడందుకున్నాడని.
ఇక 'సాహో' షూటింగ్ మొదలెట్టడము.... కొన్ని రెజుల షూటింగ్ కూడా జరగడం మాత్రమే కాదు ఏకబిగిన ఆరు నెలల్లో 'సాహో' షూటింగ్ కంప్లీట్ చెయ్యాలనే కృత నిశ్చయంతో చిత్ర యూనిట్ ఉన్నట్లు చెబుతున్నారు. అదేమిటి ఇప్పటివరకు 'సాహో' కి సంబందించిన ఒక్క న్యూస్ బయటికి రాలేదు, ఇప్పుడేమో సడన్ గా 'సాహో' మరో నాలుగు నెలల్లో విడుదలవుతుందని చెబుతున్నారని అనుకుంటున్నారా? ప్రభాస్ లేకుండానే కొన్నిరోజులు షూటింగ్ కంప్లీట్ చేసుకున్న ఈ చిత్రాన్ని ఏకబిగిన మరో ఆరు నెలల్లో పూర్తి చేస్తామని 'సాహో' చిత్ర సినిమాటోగ్రాఫర్ 'మాది' చెబుతున్నాడు.
మరాయన చెప్పినట్లు సాహుని ఆరు నెలల్లో కంప్లీట్ చెయ్యడం సాధ్యమేనా? అనే ప్రశ్న తలెత్తుంది అందరిలో. అయితే ఒకవైపు వైపు సినిమా నిర్మాణం...... ఇంకో వైపు విజువల్ ఎఫెక్ట్స్ వర్క్ తో 'సాహో' చిత్ర యూనిట్ బిజీగా ఉందట. మరి దీన్ని బట్టి 'మాది' చెప్పింది కరెక్ట్ అనిపిస్తుంది. అంటే ఈ లెక్కన ప్రభాస్ కేవలం 'సాహో' కోసం నాలుగు నెలలు డేట్స్ కేటాయిస్తే సినిమా మొతం పూర్తవుతుందన్నమాట. 'బాహుబలి' విషయంలో స్లో అయిన ప్రభాస్ 'సాహో' విషయంలో మాత్రం యమ స్పీడుమీదున్నాడంటున్నారు.