నాచురల్ స్టార్ నాని కథానాయకుడిగా వరుసగా ఎనిమిది విజయాలు దక్కించుకుని కెరీర్ లో ఎన్నడూ లేనంత ఫామ్లో వున్నాడు. ఈ ఊపు లో ఏడాదికి కనీసం మూడు చిత్రాలు పూర్తి చేస్తూ తన బాక్స్ ఆఫీస్ క్రెడిబిలిటీ ని చిత్ర, చిత్రానికి పెంచుకుంటున్నాడు. మరో వైపు వాల్ పోస్టర్స్ సినిమా అనే కొత్త నిర్మాణ సంస్థ స్థాపించి తానే తన అభిరుచికి తగ్గ కథలని వెండితెరపైకి తీసుకురావటానికి నిర్మాతగానూ మారాడు.
నూతన దర్శకుడు ప్రశాంత్ వర్మ చెప్పిన కథ నాని ని అమితంగా ఆకర్షించటంతో తన బ్యానర్ లోనే ఆ చిత్రాన్ని నిర్మించి 'అ' అనే టైటిల్ తో ప్రేక్షకులని ఆకట్టుకున్నాడు. కాజల్ అగర్వాల్, నిత్య మీనన్, రెజీనా కాసాండ్రా, ఈషా, అవసరాల శ్రీనివాస్,ప్రియదర్శి వంటి నోటేడ్ స్టార్ కాస్ట్ తోపాటు మాస్ మహారాజ రవి తేజ వాయిస్ ఓవర్ సినిమాలో ఉన్నప్పటికీ ముందుగా అనుకున్న ఫిబ్రవరి తొలి వారం విడుదల చేయటానికి వెనకాడుతున్నారు నాని.ఫిబ్రవరి తొలి రెండు శుక్రవారాలలో చలో, ఇంటెలిజెంట్, తొలి ప్రేమ, గాయత్రి, కిరాక్ పార్టీ వంటి చిత్రాలు విడుదల కానుండటంతో మంచి కంటెంట్ ని అన్ని సినిమాల మధ్య విడుదల చేయటం కంటే కొంత కాలం ఆగి సేఫ్ గా రిలీజ్ చేసుకోవటం ఉత్తమం అని ప్లాన్ చేస్తున్నాడు నాని.