వికారాబాద్ లో భీమ్లానాయక్ షూటింగ్.. ఎగబడిన అభిమానులు

పవర్ స్టార్ పవన్ కల్యాణ్ - రానా దగ్గుబాటిల కాంబినేషన్ లో మల్టీస్టారర్ గా వస్తోన్న సినిమా భీమ్లా నాయక్. మలయాళంలో సూపర్ హిట్ అయిన అయ్యప్పన్ కోషియమ్ సినిమాకి తెలుగులో రీమేక్ గా తీస్తున్న ఈ సినిమా సంక్రాంతికి బరిలో దిగనుంది. కానీ.. ఇంకా షూటింగ్ పూర్తికాలేదు. లాస్ట్ షెడ్యూల్ షూట్ ఇంకా మిగిలి ఉండటంతో.. ఆ షెడ్యూల్ వికారాబాద్ లో ప్రారంభమైంది. వికారాబాద్ అడవుల్లో భీమ్లానాయక్ - డేనియల్ శేఖర్ ల మధ్య హోరాహోరి పోరును షూట్ చేస్తున్నారు. ఈ విషయం తెలిసిన అభిమానులు పవన్ ను చూసేందుకు తండోపతండాలుగా వచ్చారు. కొంతమంది పవన్ తో ఫొటోలు దిగేందుకు ట్రై చేయగా.. వారిని కంట్రోల్ చేసేందుకు సెట్ సిబ్బంది నానా తంటాలు పడ్డారు.