చిత్ర పరిశ్రమలో మరో విషాదం.. సింగర్ కెకె హఠాన్మరణం

చిత్ర పరిశ్రమలో మరో విషాదం నెలకొంది. ప్రముఖ సింగర్, సాంగ్ రైటర్ కెకె(కృష్ణ కుమార్ కున్నత్) హఠాన్మరణం చెందారు. మంగళవారం నాడు.. కోల్‌కతాలో మ్యూజిక్ కన్సర్ట్ లో పాల్గొన్న కొన్ని గంటల తర్వాత కెకె మరణించారనే వార్త తెలిసింది. ఆయన వయసు 53 సంవత్సరాలు. కేకేగా చిరపరిచితమైన ఆయన కోల్‌కతాలోని నజురుల్ మంచా ఆడిటోరియంలో ప్రదర్శన ఇచ్చారు. అనంతరం హోటల్‌కు చేరుకున్న ఆయన ఒక్కసారిగా కుప్పకూలిపోయారు. వెంటనే ఆయనను సీఎంఆర్ఐ ఆసుపత్రికి తరలించారు. పరీక్షించిన వైద్యులు కేకే మరణించినట్టు ధ్రువీకరించారు. ఆయన అధికారిక ఇన్‌స్టాగ్రామ్ పేజీలో కొన్ని గంటల క్రితం కోల్‌కతా ఆడిటోరియంలో జరిగిన సంగీత కచేరీ విజువల్స్ ఉన్నాయి. కోల్‌కతాలోని నజ్రుల్ మంచా ఆడిటోరియంలో కచేరీ ముగిసిన తర్వాత 53 ఏళ్ల గాయకుడు తాను బస చేసిన హోటల్‌లో కుప్పకూలిపోయాడు. ఆయన మృతి చెందినట్లు సీఎంఆర్‌ఐ ఆస్పత్రి వైద్యులు తెలిపారు.