ప్రభాస్ అభిమానులు అనుకుంది ఒకటి.. టీజర్ లో చూపించింది మరొకటి..!

ఈ సినిమా టీజర్ కోసం ఎదురుచూసిన అభిమానులకు కాస్త నిరాశనే కలిగింది. భారీ స్థాయిలో గ్రాఫిక్స్ ఉంటాయని.. అద్భుతంగా ఉంటుందని ఆశించిన అభిమానులకు టీజర్ నిరాశ కలిగించే విధంగా ఉంది. రాముడి పాత్రలో ప్రభాస్ బాగానే కనిపిస్తూ ఉన్నా.. మిగతా పాత్రలు, జీవులకు సంబంధించి యానిమేషన్ పాళ్లు ఎక్కువగా ఉన్నాయని స్పష్టంగా అర్థం అవుతోంది. తానాజీ సినిమాతో మంచి గుర్తింపు తెచ్చుకున్న దర్శకుడు ఓం రౌత్.. ఈ సినిమా షూటింగ్ ను చాలా తక్కువ రోజుల్లోనే పూర్తీ చేసేయడంతో అభిమానుల్లో ఓ రకమైన అనుమానాలు కూడా కలిగాయి. ఇప్పుడు టీజర్ చూసిన కొందరు ఇది అటు యానిమేషన్ కాదు.. ఇటు లైవ్ యాక్షన్ మూవీ కాదని పెదవి విరుస్తూ ఉన్నారు.