బాలీవుడ్ లోకి ఎన్టీఆర్ ఎంట్రీ.. ఎంత వరకూ నిజం ?

బాలీవుడ్ స్టార్ హీరో హృతిక్ రోషన్ 2019లో నటించిన యాక్షన్ ఎంటర్టైనర్ మూవీ వార్. ఈ సినిమాలో హృతిక్ రోషన్, టైగర్ ష్రాఫ్ కలిసి నటించారు. అప్పట్లో ఈ సినిమా సూపర్ హిట్ గా నిలవడంతో.. ఇప్పుడు దానికి మేకర్స్ సీక్వెల్ ప్రకటించారు. బాలీవుడ్ స్టార్ ప్రొడక్షన్ కంపెనీ యష్ రాజ్ ఫిలిమ్స్ వార్ చిత్రాన్ని నిర్మించారు. ఇప్పుడు ఈ సీక్వెల్ ని స్పై యూనివర్స్‌లో భాగంగా తెరకెక్కించబోతున్నారు. పఠాన్, టైగర్, వార్ సినిమాలతో స్పై సినిమాటిక్ యూనివర్స్ క్రియేట్ చేస్తున్నారు. వార్ 2 మూవీ టైగర్ 3 కి కొనసాగింపుగా ఉంటుందని తెలియజేశారు. ఈ సినిమాలో హృతిక్ తో పాటు ఎన్టీఆర్ కూడా నటించబోతున్నాడని బి-టౌన్ మీడియా వార్తలు రాసుకొస్తుంది.

RRR సినిమాతో ఎన్టీఆర్ కు గ్లోబల్ స్టార్ గుర్తింపు దక్కింది. ఈ గుర్తింపుతోనే ఇండియాలోనే బిగ్గెస్ట్ సినిమాటిక్ యూనివర్స్ లోకి ఎన్టీఆర్ ని ఆహ్వానిస్తే ఇంటర్నేషనల్ లెవెల్ లో కూడా మార్కెట్ క్రియేట్ అయ్యే ఛాన్స్ ఉంటుందని దర్శకనిర్మాతలు ఆలోచిస్తున్నారని సమాచారం. ఈ స్పై యూనివర్స్‌లోకి యంగ్ టైగర్ ఎంట్రీ ఎంతవరకు నిజమో తెలియాలంటే మరికొద్దిరోజులు ఆగాల్సిందే.