నాగార్జున 'ది ఘోస్ట్' ట్రైలర్ విడుదల.. లైగర్ ఇంటర్వెల్ లో 'ది ఘోస్ట్' ట్రైలర్

ఈ సినిమా ట్రైలర్ ను థియేటర్లలో లైగర్ ఇంటర్వెల్ లో ప్లే చేస్తున్నారు. ప్రేక్షకుల నుంచి 'ది ఘోస్ట్' సినిమా ట్రైలర్ కు మంచి రెస్పాన్స్ వచ్చింది. రక్తం కారుతున్న రాడ్డును నాగార్జున పట్టుకున్న సీన్ తో ట్రైలర్ ప్రారంభమవుతుంది. ఆ తర్వాత నేలపై పడిపోయి రివాల్వర్లు కనిపిస్తాయి. దీంతో, ఈ సినిమా మొత్తం ఉత్కంఠభరితమైన యాక్షన్ సన్నివేశాలతో ఉందనే విషయం మనకు అర్థమవుతుంది. 'అతన్ని నీవు చంపలేవు.. అతన్నుంచి తప్పించుకుని పారిపోలేవు.. అతనితో బేరాలు కూడా ఆడలేవు.. కేవలం క్షమించమని మాత్రమే అడుక్కోగలవు' అంటూ ట్రైలర్ కొనసాగుతుంది. ఈ సినిమాను అప్పుడే అమెజాన్ ప్రైమ్ వీడియో సొంతం చేసుకుంది. అక్టోబర్ 5వ తేదీన 'ది ఘోస్ట్' విడుదల కానుంది.