వరుణలావణ్యం.. ఏడేళ్ల ప్రేమకు నిశ్చితార్థం

వెండితెరపై హీరో, హీరోయిన్ గా కనువిందు చేసిన జంట.. నిజ జీవితంలో దంపతులు కాబోతున్నారు. శుక్రవారం రాత్రి వరుణ్ - లావణ్య ల నిశ్చితార్థ వేడుక నాగబాబు నివాసంలో సన్నిహితులు, కుటుంబ సభ్యుల మధ్య సింపుల్ గా జరిగింది. "అందాల రాక్షసి"లో "నాకు త్వరగా పెళ్లి చేసేయండి నాన్న" అనే డైలాగ్ తో పాపులర్ అయిన లావణ్య త్రిపాఠి.. ఆ తర్వాత వరుసగా సినిమాలు చేసినా విజయాలు పెద్దగా రాలేదు. లావణ్య సినిమా కెరీర్ లో భలేభలే మగాడివోయ్, సోగ్గాడే చిన్నినాయనా సినిమాలు మాత్రమే హిట్ అయ్యాయి. ఇటీవల మేక-పులి వెబ్ సిరీస్ విజయవంతమైంది. ఇందులో లావణ్య పోలీస్ ఆఫీసర్ గా కనిపించింది.