రోడ్డు ప్రమాదంలో గాయపడిన శర్వానంద్?

టాలీవుడ్ హీరో శర్వానంద్ ప్రయాణిస్తున్న కారు రోడ్డు ప్రమాదానికి గురైంది. ఆయన ప్రయాణిస్తున్న కారు ప్రమాదానికి గురవ్వగా.. శర్వానంద్ కు గాయాలైనట్లు ప్రచారం జరిగింది. హైదరాబాద్ ఫిలింనగర్ వద్ద శర్వానంద్ ప్రయాణిస్తోన్న కారు డివైడర్ ను ఢీ కొట్టింది. ఆదివారం తెల్లవారుజామున రాంగ్ రూట్ లో వస్తోన్న ద్విచక్ర వాహనాన్ని తప్పించే క్రమంలో ఈ ప్రమాదం జరిగింది. శర్వానంద్ కు స్వల్ప గాయాలయ్యాయని తొలుత చెప్పారు. ఆ తర్వాత ఆయన టీమ్ క్లారిటీ ఇచ్చింది. ప్రమాదంలో శర్వానంద్ కు ఎలాంటి గాయాలు కాలేదని తెలిపింది. కారులో ఉన్న అందరూ క్షేమంగానే ఉన్నారని వెల్లడించింది.