నాన్ స్టాప్ ఎంటర్టైన్ మెంట్.. బిగ్ బాస్ ఓటీటీ ప్రోమో వచ్చేసింది !

బిగ్ బాస్.. ఈ షో కి బుల్లితెరపై ఉన్న ఆదరణ గురించి ప్రత్యేకంగా చెప్పనక్కర్లేదు. తెలుగు, హిందీ, తమిళ్ ఇలా అన్ని భాషల్లోనూ బిగ్ బాస్ ను ఆదరించేవారి సంఖ్య ఎక్కువగానే ఉంటుంది. గతేడాది డిసెంబర్ లో తెలుగు బిగ్ బాస్ సీజన్ 5 ముగిసిన సంగతి తెలిసిందే. ఇటీవలే హిందీ బిగ్ బాస్ 15వ సీజన్ ఘనంగా ముగిసింది. ఇప్పటివరకూ తెలుగులో వచ్చిన 4 సీజన్లు సూపర్ హిట్ అయ్యాయి. బిగ్ బాస్ సీజన్ 5 ప్రేక్షకులను ఊహించిన స్థాయిలో మెప్పించలేకపోయింది. శృతి మించిన ప్రవర్తనలు, హద్దు దాటిన వెకిలి చేష్టలు సగటు ప్రేక్షకుడిని విసుగెత్తించాయి. దాంతో సీజన్ 5 టీఆర్పీ రేటింగ్ భారీగా పడిపోయింది.