బిగ్ బాస్ హౌస్ లోకి ఆర్జీవీ మెచ్చిన బ్యూటీ.. నటీనటులు, జబర్దస్త్ ఆర్టిస్టులు

ఇప్పటికే కంటెస్టంట్ల ఎంపిక పూర్తి కాగా.. అసలు లిస్టులో ఎవరున్నారన్నది సస్పెన్స్. కానీ నెట్టింట్లో ఇదే బిగ్ బాస్ సీజన్ 6 కంటెస్టంట్ల లిస్ట్ అని ఓ లిస్టు వైరల్ అవుతోంది. ఆ లిస్టులో ఆర్జీవీ మెచ్చిన బ్యూటీ ఇనయ సుల్తానా పేరు కూడా ఉన్నట్లు తెలుస్తోంది. అలాగే ఆర్య సినిమాలో అ అంటే అమలాపురం ఐటం సాంగ్ తో టాలీవుడ్ ను ఒక ఊపు ఊపిన అభినయ శ్రీ ఈసారి హౌస్ లోకి ఎంట్రీ ఇవ్వనున్నట్లు సమాచారం. అలాగే నటుడు బాలాదిత్య, యూట్యూబర్‌, ఆదిరెడ్డి, గలాటా గీతూ, నువ్వు నాకు నచ్చావ్‌ ఫేమ్‌ పింకీ- సుదీప, జబర్దస్త్‌ కమెడియన్లు ఫైమా, చలాకీ చంటి, నటుడు శ్రీహాన్‌, సింగర్‌ రేవంత్‌, వాసంతి కృష్ణన్‌, యాంకర్‌ ఆరోహి రావు, తన్మయ్‌, శ్రీసత్య, బుల్లితెర దంపతులు రోహిత్‌-మెరీనా అబ్రహం, కామన్‌ మ్యాన్‌ రాజశేఖర్‌, అర్జున్‌ కల్యాణ్‌, దీపిక పిల్లి కంటెస్టెంట్లుగా పాల్గొననున్నట్లు తెలుస్తోంది. ఒకరిద్దరు మినహా.. మిగతా వారంతా హౌస్ లోకి వెళ్తారని సమాచారం.

కాగా.. ఈ సీజన్లో కొన్నిమార్పులు, చేర్పులు చేశారట. మామూలుగా బిగ్ బాస్ హౌస్ లో నామినేషన్లు సోమవారం జరుగతాయి. కానీ ఈసారి మాత్రం బుధవారం ఈ టాస్కును ప్రసారం చేయనున్నట్లు టాక్. వీక్ డేస్ లో బిగ్ బాస్ ను ప్రేక్షకులు పెద్దగా చూడకపోవడంతో ఈ నిర్ణయం తీసుకున్నట్లు తెలుస్తోంది. సెప్టెంబర్ 4వ తేదీ సాయంత్రం ఈ షో గ్రాండ్ గా ప్రారంభం కానుంది. నేడు నాగార్జున పుట్టినరోజు సందర్భంగా డిస్నీ ప్లస్ హాట్ స్టార్ ఓ పోస్టర్ తో ఆయనకు బర్త్ డే విషెస్ చెప్తూ.. ట్వీట్ చేసింది.