యానిమల్ సినిమా, కలెక్షన్స్ పై దారుణ విమర్శలు

యానిమల్ సినిమా కలెక్షన్స్ దుమ్ముదులుపుతున్నాయి. 13 రోజుల్లో ఈ సినిమా 772.33 కోట్లు కలెక్ట్ చేసింది. A రేటెడ్ సినిమా.. మూడున్నర గంటల నిడివి ఉన్నా కూడా… కూడా ఈ సినిమా కలెక్షన్స్‌ భారీగా ఉన్నాయి. డిసెంబర్ 1వ తేదీన రిలీజ్ అయిన ఈ చిత్రం.. ఇప్పటికీ జోరుగా వసూళ్లను దక్కించుకుంటోంది. ఇండియాలోనే యానిమల్ సినిమా 9 రోజుల్లో రూ.395.27 కోట్ల నెట్‍ కలెక్షన్లను దక్కించుకుంది. అన్ని భాషల వెర్షన్‍లను కలిపి దేశంలో ఈ వసూళ్లను రాబట్టింది. ఆమిర్ ఖాన్ హీరోగా నటించిన దంగల్ (2016) సినిమాను ఇండియా వసూళ్ల విషయంలో దాటేసింది యానిమల్. దంగల్ చిత్రం ఇండియాలో రూ.387.38 కోట్ల నెట్ కలెక్షన్లను దక్కించుకుంది. ఇప్పుడు దంగల్ ఇండియా లైఫ్ టైమ్ కలెక్షన్లను యానిమల్ 9 రోజుల్లోనే దాటేసింది. సందీప్ రెడ్డి వంగా దర్శకత్వం వహించిన యానిమల్ చిత్రంలో రణ్‍బీర్ కపూర్, రష్మిక మందన్న హీరోహీరోయిన్లుగా నటించారు. అనిల్ కపూర్, బాబీ డియోల్, తృప్తి డిమ్రి కీలకపాత్రలు చేశారు.