అనిల్ రావిపూడి – చెర్రీ మీటింగ్ నిజమా?

ఎఫ్ 2 తర్వాత మహేష్ బాబు.. అనిల్ రావిపూడి కి సినిమా చెయ్యడమే మాములు షాకింగ్ విషయం కాదు. ఎందుకంటే ఎఫ్ 2 అదృష్టం కొలది హిట్ అయిన మూవీ. ఆ సినిమా ఫస్ట్ హాఫ్ సూపర్ హిట్, సెకండ్ హాఫ్ బోర్. అలాంటిది ఆ సినిమా అనుకోకుండా బ్లాక్ బస్టర్ లిస్ట్ లోకి వెళ్లడం.. తర్వాత అనిల్ రావిపూడి ఏకంగా మహేష్ తగిలి సరిలేరు నీకెవ్వరూ అంటూ సినిమా చేసాడు. సరిలేరు సినిమా మాస్ కి ఎక్కబట్టి.. ఆ మాత్రం హిట్ అయ్యింది. అందులోనూ నిర్మాతలు అల వైకుంఠపురములో సినిమా మీద మా సినిమానే గొప్ప అని చూపించుకోవడానికే ఇష్టమొచ్చిన అంకె వేసి పోస్టర్స్ వదులుతున్నారు అయితే ఈ కలెక్షన్స్ ఎవరికీ ఎంతవరకు కలిసొచ్చాయో తెలియదు కానీ.. అనిల్ రావిపూడి కి బాగా కలిసొచ్చినట్టుగా కనబడుతుంది.

దర్శకుడు అనిల్ అదృష్టంతో మహేష్ తో సినిమా చేయగలిగాడు. మహేష్ క్రేజ్ తో ఆ సినిమా ఎలాగో బ్రేక్ ఈవెన్ కి దగ్గరయింది. లేదంటే మరో హీరో అయితే.. ఈ సినిమాకి ఆపాటి కలెక్షన్స్ రావడం కష్టమయ్యేది. అయితే ఈ సినిమా తర్వాత అనిల్ ఎఫ్ 2 సీక్వెల్ మీద కూర్చుంటాడు అనుకుంటే.. తాజాగా అనిల్ రావిపూడి మెగా కాంపౌండ్ లోకి అడుగెట్టినట్లుగా ఫిలింనగర్ టాక్. ఎందుకంటే ఎఫ్ 2 సీక్వెల్ మొదలెట్టడానికి చాలా టైం పడుతుంది. వరుణ్ తేజ్, వెంకటేష్, మూడో హీరో రవితేజ ఎవరి సినిమాల్తో వారు బిజీ. కనక ఈలోపు అనిల్ రావిపూడి మెగా హీరో రామ్ చరణ్ ని కలిసి కథ వినిపించాడని, ఈ కథ విని.. చరణ్ కూడా బాగా ఇంప్రెస్ అయ్యి… వెంటనే ఈ స్టోరీలైన్‌ను డెవలప్ చేయమని అనిల్ కి చెప్పినట్టుగా ఫిలింనగర్ టాక్. మరి RRR షూటింగ్ లో బిజీ అయిన చరణ్ అనిల్ తో కలిసి మీటింగ్ పెట్టాడంటే ఎక్కడో తేడా కొడుతోంది. కానీ ఒక్కోసారి అవే నిజాలయ్యే అవకాశం ఉంది కూడా.