అతనే నా సర్వస్వం.. రిలేషన్ పై క్లారిటీ ఇచ్చిన సిరి హన్మంత్

సిరి వల్లే వాళ్లిద్దరూ విడిపోయారంటూ.. నెటిజన్లు మరింత నెగిటివిటీని చూపించారు. దాంతో సిరిని తన బాయ్ ఫ్రెండ్ శ్రీహాన్ కూడా పెద్దగా పట్టించుకోవడం లేదన్న వార్తలొచ్చాయి. ఆమెతో కలిసి దిగిన ఫొటోలనూ శ్రీహాన్ తన సోషల్ మీడియా నుంచి డిలీట్ చేయడంతో ఆ వార్తలకు మరింత బలం చేకూరింది. త్వరలో వీరిద్దరూ కూడా విడిపోతారని అంతా అనుకున్నారు. కానీ.. తాజాగా సిరి పెట్టిన పోస్ట్ తో ఆ ఊహాగానాలకు చెక్ పడింది.

తన రిలేషన్ షిప్ పై క్లారిటీ ఇస్తూ.. శ్రీహాన్ తో ఉన్న ఫొటోను ఇన్ స్టా లో షేర్ చేసింది సిరి. "ప్రతి క్షణం నా మంచి, చెడు సమయాల్లో పక్కనే నిలిచే వ్యక్తి. మంచి మనసున్న వ్యక్తి. నా బలం, నా మర్గదర్శి, నా గార్డియన్‌, నా సర్వస్వం అన్ని ఇతనే. మై వన్‌ అండ్‌ ఓన్లీ శ్రీహాన్‌" అని ఆ పోస్ట్ లో పేర్కొంది. సిరి చేసిన ఈ పోస్ట్ నెట్టింట్లో వైరల్ అవుతోంది. వీళ్లిద్దరి లాగే షన్నూ-దీప్తి కూడా కలిస్తే బాగుంటుందని నెటిజన్లు కామెంట్లు పెడుతున్నారు.