ఎట్టకేలకు తెలుగులో రాబోతున్న 777చార్లీ

777చార్లీ కన్నడ వెర్షన్ 'వూట్ సెలెక్ట్' లో స్ట్రీమింగ్ కొచ్చింది. మిగిలిన భాషల స్ట్రీమింగ్ పై మేకర్స్ ఎలాంటి అప్డేట్ ఇవ్వలేదు. తెలుగు, తమిళం, మలయాళం, హిందీ భాషలలో 777 చార్లీ స్ట్రీమింగ్ ఎప్పుడా అని అందరూ ఎదురు చూస్తున్నారు. ఇప్పటివరకు, 777 చార్లీ కన్నడ వెర్షన్ మాత్రమే స్ట్రీమ్‌కు అందుబాటులో ఉంది. దేశవ్యాప్తంగా ఉన్న ప్రేక్షకులు ఇతర భాషల్లో ఎప్పుడు విడుదల చేస్తారా అని అడుగుతున్నారు. తాజాగా అమెజాన్ ప్రైమ్ వీడియో అందుకు సంబంధించిన అప్డేట్ ను విడుదల చేసింది. ప్రైమ్ వీడియో స్టోర్ లో సెప్టెంబర్ 30 తేదీ నుండి చార్లీ సందడి చేయనుంది. తెలుగు, తమిళ, మలయాళ, హిందీ భాషల్లో సినిమా విడుదల కాబోతున్నట్లు ప్రైమ్ వీడియో నుండి అప్డేట్ వచ్చింది.