4000 కోట్లు రామాయణకు చేస్తున్న ఖర్చు

నితేశ్‌ తివారీ దర్శకత్వం వహిస్తున్న చిత్రం ‘రామాయణ’ సినిమా బడ్జెట్‌పై నిర్మాత నమిత్‌ మల్హోత్రా స్పందించారు. అత్యంత ఖరీదైన భారతీయ చిత్రంగా 4వేల కోట్లతో ఈ సినిమా రూపొందుతోందని అన్నారు. తాము ఎవరి నుంచి డబ్బు తీసుకోవాలనుకోవడం లేదని, ఏడు సంవత్సరాల క్రితమే సినిమా నిర్మాణం కోసం పనులు ప్రారంభించామన్నారు. ఈ సినిమా సుమారు 4వేల కోట్ల రూపాయలతో తెరకెక్కుతోందన్నారు. ఈ ఇతిహాసాన్ని ప్రపంచమంతా చూడాలని, ఆ లక్ష్యంతోనే దీన్ని భారీ స్థాయిలో నిర్మిస్తున్నామన్నారు. మన సంస్కృతికి పునాదిగా నిలిచిన ఇతిహాసాన్ని, సాధ్యమైనంత గొప్పగా తెరకెక్కించనున్నామని నమిత్‌ మల్హోత్రా తెలిపారు. ఈ సినిమా రెండు భాగాలుగా విడుదల కానుంది. మొదటి పార్ట్‌ 2026 దీపావళికి, రెండవ భాగం 2027లో విడుదల కానుంది. ఈ సినిమాలో రాముడిపాత్రలో రణ్‌బీర్‌ కపూర్, సీతగా సాయి పల్లవి, రావణుడిగా యశ్, హనుమంతుడి పాత్రలో సన్నీడియోల్ నటిస్తున్నారు.