అమెరికాను తప్పుపట్టిన రష్యా.. ఇది దారుణమన్న మాస్కో

అంతర్జాతీయ సముద్ర యానానికి సంబంధించిన మౌలిక నిబంధనలను అమెరికా పాటించాలి. చట్టబద్ధ కార్యకలాపాల్లో ఉన్న మరినెరా నౌకపై అక్రమ చర్యలను వెంటనే నిలిపివేయాలి,” అని రష్యా విదేశాంగ శాఖ ఒక ప్రకటనలో పేర్కొంది.తమ దేశపు ‘ఆంక్షల చట్టాలను సాకుగా చూపుతూ నౌకను స్వాధీనం చేసుకోవడం సమంజసం కాదని రష్యా స్పష్టం చేసింది. వెనిజువెలా సహజ వనరులపై నియంత్రణ సాధించేందుకు ఇది భాగమనే అమెరికా అధికారుల వ్యాఖ్యలను తీవ్రంగా ఖండించింది. వాటిని “అత్యంత సైనికంగా, నియో-కాలనియల్ ఆలోచనలుగా” అభివర్ణించింది.నౌకలోని సిబ్బందికి మానవీయంగా, గౌరవప్రదంగా వ్యవహరించాలని అమెరికాను రష్యా కోరింది. రష్యా పౌరుల హక్కులను కాపాడుతూ, వారిని త్వరగా స్వదేశానికి పంపేలా అడ్డంకులు సృష్టించొద్దని డిమాండ్ చేసింది.

డిసెంబర్ 24వ తేదీన అంతర్జాతీయ చట్టాలు, రష్యా నిబంధనల ప్రకారం రష్యా జెండాతో ప్రయాణించేందుకు తాత్కాలిక అనుమతి పొందిన ఈ నౌక, నార్త్ అట్లాంటిక్ అంతర్జాతీయ జలాల్లో శాంతియుతంగా ప్రయాణిస్తూ రష్యా పోర్టు వైపు వెళ్తున్నట్లు విదేశాంగ శాఖ తెలిపింది. ఈ నౌక రష్యాకు చెందినదని, పౌర వినియోగంలో ఉందని సంబంధిత సమాచారం ఇప్పటికే అమెరికాకు అందించామని రష్యా స్పష్టం చేసింది. అయినప్పటికీ, అమెరికా సైనికులు పౌర నౌకపై ఎక్కి దాన్ని స్వాధీనం చేసుకోవడం అంతర్జాతీయ సముద్ర చట్టాలకు ఘోర ఉల్లంఘన అని రష్యా విదేశాంగ శాఖ పేర్కొంది. దీనిని అంతర్జాతీయ సమాజం వ్యతిరేకించాలని, అమెరికా వైఖరిని ఎండగట్టాలని కోరింది.