మరోసారి తండ్రైన మెటా సీఈఓ మార్క్ జుకర్ బర్గ్

మెటా సీఐఓ మార్క్ జుకర్ బర్గ్ మూడోసారి తండ్రయ్యారు. ఆయన భార్య ప్రిసిల్లా ఛాన్ మూడో కాన్పులో కూతురికి జన్మనిచ్చింది. ఇప్పటికే ఈ దంపతులకు ఇద్దరు కూతుర్లు ఉన్నారు. తాజాగా మరో కూతురికి తన భార్య జన్మనిచ్చినట్లు జుకర్ బర్గ్ వెల్లడిస్తూ.. కూతురి ఫొటోలను నెటిజన్లతో పంచుకున్నారు. ఈ పాపకు ఆరెలియా ఛాన్ జుకర్ బర్గ్ అని పేరుపెట్టినట్లు ఆయన తెలిపారు. మార్క్ - ప్రిసిల్లా దంపతులకు 2015 డిసెంబర్ లో మొదటి కూతురు మాక్సిమా జన్మించింది. 2017 ఆగస్టులో మరో కూతురికి ప్రిసిల్లా జన్మనిచ్చింది. ఆమె పేరు ఆగస్ట్. కాగా.. జుకర్ బర్గ్ దంపతులకు నెటిజన్లు శుభాకాంక్షలు తెలుపుతూ కామెంట్లు చేస్తున్నారు.