విడాకులు వచ్చాయన్న ఆనందంలో బంగీజంప్.. మెడ, వెన్ను విరిగి

రాఫేల్ డాస్ సొంటోస్ అనే 22 ఏళ్ల యువకుడికి ఈ ఏడాది జనవరిలో విడాకులు వచ్చాయి. తన భార్య నుండి విముక్తి వచ్చిందని సంబరపడిపోయిన అతను.. తన జీవితాన్ని ఆసాంతం ఆస్వాదించాలనుకున్నాడు. ఫిబ్రవరి 11న కాంపో మాగ్రో ప్రాంతంలోని ఓ సరస్సుకు వెళ్లిన అతను.. అక్కడున్న వంతెన పై నుంచి బంగీజంప్ చేయాలనుకున్నాడు. తన కాళ్లకు తాడు కట్టుకుని బ్రిడ్జిపై నుండి దూకాడు. దురదృష్టవశాత్తు కాళ్లకు కట్టుకున్న తాడు తెగిపోవడంతో అతను 70 అడుగుల ఎత్తు నుండి తలకిందులుగా పడ్డాడు. ఈ ప్రమాదంలో అతని మెడ, వెన్నెముక విరిగిపోగా.. ప్రాణాలతో బయటపడ్డాడు. ఇప్పుడిప్పుడే గాయాల నుండి కోలుకుంటున్న రాఫేల్.. తన జీవితం పూర్తిగా మారిపోయిందని తాజాగా మీడియాకు ఇచ్చిన ఇంటర్వ్యూలో వాపోయాడు. తన జీవితం ఇలా అవుతుందని అస్సలు ఊహించలేదని ఆవేదన వ్యక్తం చేశాడు.