మరో 54 చైనా యాప్ లను నిషేధించిన భారత్

బ్యాన్ చేసిన యాప్ లలో అధిక యాప్ లు టెన్సెంట్, అలీబాబా, నెట్ ఈజ్ కంపెనీలకు చెందినవేనని కేంద్ర ఎలక్ట్రానిక్స్, ఐటీ శాఖ సీనియర్ అధికారి వెల్లడించారు. దేశ పౌరుల వ్యక్తిగత భద్రత, ప్రైవసీకి ఆయా యాప్ లు భంగం కలిగిస్తుండటంతో కేంద్ర ప్రభుత్వం ఈ నిర్ణయం తీసుకుంది. భారతదేశ పౌరులకు సంబంధించిన వ్యక్తిగత సమాచారాన్ని ఆయా యాప్ ల ద్వారా సేకరించి, చైనాలో ఉన్న సర్వర్లకు చేరవేస్తున్నట్లు గుర్తించి, వాటిని బ్యాన్ చేశారు. ఐటీ యాక్ట్ 69ఏ ప్రకారం ఆయా యాప్ లపై నిషేధం విధించామని, ఇకపై ప్లే స్టోర్లలో కూడా ఈ యాప్ లు అందుబాటులో ఉండవని కేంద్ర వర్గాలు తెలిపాయి.