ఎఫ్ఐఏ అధ్యక్షుడిగా శ్రీకాంత్ అక్కపల్లి.. తెలుగు వ్యక్తికి అరుదైన గౌరవం

2026 సంవత్సరానికి సంబంధించి అంతర్గత సమీక్ష, ఎంపిక ప్రక్రియను సంస్థ నియమించిన స్వతంత్ర ఎన్నికల కమిషన్ నిర్వహించింది. ఆ కమిషన్‌లో అలోక్ కుమార్, జయేష్ పటేల్, కెన్నీ దేశాయ్ ఉన్నారు. కమిషన్ చేసిన సిఫార్సులను బోర్డు ఆమోదించింది. కొత్త కార్యవర్గం వచ్చే ఏడాది జనవరి 1వ తదీ నుంచి బాధ్యతలు చేపడుతుంది. ఈ పదవిని చేపట్టిన తొలి తెలుగు వ్యక్తి శ్రీకాంత్ అక్కపల్లి. ఇటువంటి సంస్థకు తెలుగు వ్యక్తి నాయకత్వం వహించడం అనేది తెలుగుప్రజలకు దక్కిన అరుదైన గౌరవం. ఈ సంస్థకు శ్రీకాంత్ అక్కపల్లిని ఏకగ్రీవంగా ఎన్నుకున్నారు.

కొత్త సంవత్సరానికి శ్రీకాంత్ అక్కపల్లిని ఎఫ్ఐఏ అధ్యక్షుడిగా ఏకగ్రీవంగా ఎన్నుకున్నారు. కార్యవర్గానికి నాయకుడిగా వైదొలుగుతున్న అధ్యక్షుడు సౌరిన్ పరిక్ బాధ్యతలను శ్రీకాంత్ అక్కపల్లికి అప్పగించనున్నారు. గత బృందం నుంచి వైస్ ప్రెసిడెంట్ ప్రీతి రె పటేల్, జనరల్ సెక్రటరీ శ్రిష్టి కౌల్ నరూలా తమ స్థానాల్లోనే కొనసాగుతారని తెలిపింది. శ్రీకాంత్ అక్కపల్లి వృత్తిరీత్యా వ్యాపారవేత్త. అలాగే రియల్ ఎస్టేట్ డెవలప్‌మెంట్, టెక్నాలజీ, మీడియా రంగాలలో ఆయనకు చాలా అనుభవం ఉంది. ముఖ్యంగా అమెరికాలో తెలుగు మీడియా రంగంలో ప్రముఖంగా పనిచేస్తున్నారు. ఎఫ్ఐలోకి లోకి రాకముందు కూడా ఆయన అనేక కమ్యూనిటీ సంస్థలలో కీలక బాధ్యతలు నిర్వహించారు