అమెరికాలో టోర్నడోల విధ్వంసం.. 26 మంది మృతి, వందలమందికి గాయాలు

ముఖ్యంగా ఈశాన్య జాక్సన్, మిస్సిస్సిప్పిలో 96 కిలోమీటర్ల మేర నష్టం చేశాయి. గ్రామీణ పట్టణాలైన రోలింగ్ ఫోర్క్, సిల్వర్ సిటీల్లో ఈ సుడిగాలులు పెను విధ్వంసాన్ని సృష్టించాయి. పార్క్ చేసిన కార్లు ధ్వంసమయ్యాయి. ఇళ్ల పైకప్పులు కొట్టుకుపోయాయి. టోర్నడోల ధాటికి దెబ్బతిన్న ప్రాంతాల్లో రెస్క్యూ టీమ్ సహాయక చర్యలు చేపట్టింది. మృతుల సంఖ్య పెరిగే అవకాశం ఉందని అత్యవసర నిర్వహణ సంస్థ తెలిపింది. ఈ విపత్తుపై అధ్యక్షుడు జో బైడెన్ విచారం వ్యక్తం చేశారు. ఈ టోర్నడోల కారణంగా మృతి చెందిన బాధిత కుటుంబాలను ఆదుకుంటామని బైడెన్ హామీ ఇచ్చారు.