Donald Trump : భారత్ తో ట్రంప్ స్నేహాన్ని దూరం చేసుకోవాలనుకుంటున్నాడా?

అయితే అమెరికాలో తమ స్వదేశీ ఉత్పత్తులను ప్రోత్సహించడానికేనని ట్రంప్ చెబుతున్నప్పటికీ ఇప్పటి వరకూ లేని విధంగా ఒక్కసారిగా టారిఫ్ లు పెంచుతూ సుంకాల మోత మోగిస్తున్నాడు. ఇప్పటికే కొన్ని భారత్ నుంచి అమెరికాకు ఎగుమతి అయ్యే ఉత్పత్తులపై యాభై శాతం అదనపు సుంకాలు విధించిన ట్రంప్ మరోసారి ఫార్మా కంపెనీలు ఎగుమతి చేసే ఉత్పత్తులపై వంద శాతం సుంకాలు విధించడంతో భారత్ తో వివాదానికి కాలు దువ్వుతున్నట్లే కనిపిస్తుంది. బ్రాండెడ్, పేటెంటెడ్ డ్రగ్స్ పై వంద శఆతం విధిస్తామని ట్రంప్ స్పష్టం చేశారు. అప్ హోస్టర్ ఫర్నీచర్ పై ముప్ఫయి శాతం, భారీ ట్రక్కులపై ఇరవై ఐదు శాతం దిగుమతి సుంకాలు విధిస్తున్నట్లు ట్రంప్ ప్రకటించాడు.

పెరిగిన ఈ పన్నులు అక్టోబరు 1వ తేదీ నుంచి అమలులోకి రానున్నాయని ట్రంప్ ప్రకటించారు. ట్రంప్ నిర్ణయాలు భారత ఫార్మా కంపెనీలపై భారీ దెబ్బ పడనుంది. స్టాక్ మార్కెట్ పై కూడా ప్రభావం చూపనుంది. అయితే డొనాల్డ్ ట్రంప్ ఇక ఆగేటట్లు కనిపించడం లేదు. ఇది ఆఖరు కాదు.. మళ్లీ సుంకాల మోత మోగించడం ఖాయమని అంటున్నారు. ఈసారి 150 శాతం నుంచి 250 శాతం వరకూ ట్రంప్ పెంచే ఆలోచనలో ఉన్నట్లు కనపడుతుందన్న విశ్లేషణలు వెలువడుతున్నాయి. అమెరికాలో తయారీ ప్లాంట్ నిర్మిస్తున్న కంపెనీలకు మాత్రం మినహాయింపు ఇచ్చినా ఇలా ఇష్టమొచ్చినట్లు ట్రంప్ విధిస్తున్న సుంకాల మోతతో భారత్ తో స్నేహాన్ని ట్రంప్ దూరం చేసుకోవాలని కోరుకున్నట్లే కనపడుతుంది.