Hyderabad : హైదరాబాద్ వాసులకు బిగ్ అలెర్ట్.... బయటకు రావద్దంటూ?

చల్లటి గాలులతో పాటు ఉరుములు, మెరుపులు కూడా వస్తున్నాయి. కొన్ని చోట్ల ఇప్పటికే వర్షం మొదలయింది. అిడ్స్, అంబర్ పేట్, రామంతపూర్, కోఠి, దిల్ సుఖ్ నగర్, సరూర్ నగర్, ఎల్బీనగర్, మలక్ పేట్, చార్మినార్, నాంపల్లి ప్రాంతంలో భారీ వర్షం కురిసింది. ఖైరతాబాద్, లక్డీకాపూల్, రాజ్ భవన్, ట్యాంక్ బండ్ పరిసర ప్రాంతాల్లో కూడా వర్షం మొదలయింది. ఈరోజు రాత్రికి భారీ వర్షం పడుతుందని వాతావరణ శాఖ చెప్పింది. ఆఫీసులకు వెళ్లిన వారు వీలయినంత వరకూ త్వరగా ఇంటికి చేరుకోవాలని సూచించారు. చిరు వ్యాపారులుకూడా వెంటనే తమ దుకాణాలను కట్టివేసి ఇంటికి చేరుకోవాలని కోరారు.

భారీ వర్షంతో ముఖ్యమంత్రి రేవంత్ రెడ్డి కూడా ఉన్నతాధికారులతో సమీక్షించారు. ఈ రాత్రికి భారీ వర్షం పడే అవకాశమున్నందున ప్రజలను అప్రమత్తం చేయాలని సూచించారు. లోతట్టు ప్రాంతాల ప్రజలను సురక్షిత ప్రాంతాలకు తరలించాలని కోరారు. గ్రేటర్ హైదరాబాద్ మున్సిపల్ అధికారులు, రెవెన్యూ, విద్యుత్తు, పోలీసులు అందరూ సమన్వయంతో ముందుకు సాగాలని కోరారు. రహదారులపై నీరు నిల్వకుండా ఉండేలా చర్యలు తీసుకోవాలని, ట్రాఫిక్ ఇబ్బందులు తలెత్తకుండా తగిన ముందస్తు చర్యలు తీసుకోవాలని అధికారులను ముఖ్యమంత్రి ఆదేశించారు.