ఇతగాడిని పట్టుకోకుంటే హైదరాబాద్ లో ఎంత విధ్వంసం జరిగేదో కదా? ఎంత ప్లాన్ వేశాడు?

హైదరాబాద్ కు చెందిన సిరాజ్ తో పాటు కర్ణాటక, మహారాష్ట్రకు చెందిన వారు నలుగురు పరిచయం కావడంతో ఒక వర్గానికి అన్యాయం జరుగుతుందని, తాము ఏదో ఒకటి చేయాలని భావించి సిరాజ్ పేలుళ్లకకు కుట్ర పన్నాడు. సోషల్ మీడియాలో పేలుళ్లు ఎలా జరపాలో తెలుసుకున్నాడు. టిఫిన్ బాక్సుల్లో పేలుళ్లయితే ఎవరికీ అనుమానం రాదని భావించి అమెజాన్ నుంచి టిఫిన్ బాక్స్ లు తెప్పించుకున్నాడు. ఇక పేలుడు పదార్థాలను కొనుగోలు చేయడానికి హైదరాబాద్ సరైన ప్లేస్ కాదని భావించి విజయనగరాన్ని ఎంచుకున్నాడు. ముంబయి ఢిల్లీ, హైదరాబాద్ లో కొందరితో పరిచయాలు పెంచుకుని పేలుళ్లకు కుట్ర పన్నాడు. ఇందుకోసం సిరాజ్ ప్రత్యేక బృందాన్ని ఏర్పటు చేసుకున్నాడు.

సోషల్ మీడియాలో వాట్సాప్ గ్రూపు ను ఏర్పాటు చేసుకున్నాడు. మూడో వాడికి తాము మాట్లాడుకున్నది తెలియకుండా వాట్సాప్ కాల్ ద్వారానే మాట్లాడుకునే వారు. విజయనగరంలోనే పేలుడు పదార్థాలను కొనుగోలు చేసినట్లు పోలీసులు గుర్తించారు. సెల్ ఫోన్లను స్వాధీనం చేసుకోవడం ద్వారా మరిన్ని విషయాలను తెలుసుకున్న పోలీసులు వారిని అదుపులోకి తీసుకున్నారు. సిరాజ్ తండ్రి పోలీసు శాఖలో పనిచేస్తున్నాడు. అయితే ఒకవర్గానికి చెందిన పుస్తకాలు చదివిన సిరాజ్ దానిపట్ల ఆకర్షితుడై పేలుళ్లు జరపడానికి పెద్ద ప్లాన్ వేశాడు. అయితే గత ఏడాది ముంబయి వెళ్లి పది మందిని కలసిన సిరాజ్ తర్వాత పేలుళ్లు జరపాలని భావించారు. ఈ ప్రయత్నంలోనే పోలీసులు వలపన్ని పట్టుకున్నారు. దీంతో సిరాజ్, సమీర్ కుట్ర భగ్నం అయింది. ఇద్దరికీ విజయనగరం కోర్టు పథ్నాలుగు రోజులు రిమాండ్ విధించింది.